por | Mar 12, 2018 | Literatura, Novidades |

David Casal publicará o seu primeiro poemario ‘De pé no océano’

O poemario será editado pola Editorial Círculo Rojo, e contará con ilustracións de Javier Blanco.

Na noite do 11 de maio, David Casal, membro do colectivo cultural Alter Ego, coñecido como Davo nos seus círculos íntimos, anunciaba nas súas redes sociais o lanzamento do que será o seu primeiro poemario, chamado De pé no océano.

Para esta andanza, David Casal e a Editorial Círculo Rojo confiaron mutuamente uns nos outros para sacar o traballo adiante. Ademais, os poemas contarán con ilustracións de Javier Blanco Armada, que figura como parte da equipa que levou adiante a curtametraxe Tapias, gañadora da categoría Outra Compostela no Festival compostelán Curtocircuíto de 2017. A edición será de 100 exemplares, e terá un prezo de 8 euros. Para a súa compra, haberá que contactar de forma directa co autor.

Davo Casal aproveitaba tamén a nova do lanzamento da obra para anunciar que fará presentacións do libro en Vigo e Compostela, aínda sen data oficial para facelas.

David Casal